كلمة المقرر المساعد للأسرة

بسم الله الرحمن الرحيم

أخوكم وزميلكم وعضو معاكم في أسرتكم بفضل الله
أسامة مصطفى عبدالعال

أمين اللجنة الثقافية وأمين مساعد اتحاد الطلاب بكلية الهندسة

وخبرة حوالي أكتر من سنتين بالنشاط الطلابي في أنشطة مختلفة : نادي الأدب , الفريق الإعلامي , رئيس تحرير الباب العلمي في مجلة الكلية , عشيرة الجوالة ,عمل في أكتر من أسرة ^_^

ايه اللي خلانا نعمل الأسرة ؟

طبعا الواحد في الفترة دي اكتسب خبرة , ما كانش ممكن أكتسبها غير بالنشاط

مهارات :

التحدث للجموع , العمل الجماعي , العصف الذهني , التواصل وبناء العلاقات , التعبير عن النفس , مهارات القيادة , التخطيط , تنظيم الوقت , إدارة الأزمات , العمل تحت الضغط , تحمل المسئولية , ,,,, وكتير

تطور في الفكر :

قبل الشخص – شخصي – جماعي – مؤسسي – نهضوي – إصلاحي
المسئولية ابتدت تكبر , ما ينفعش أشيلها لوحدي , ومن الفكر الخاطئ انك تتصدر في الأمر بدافع الغرور أو انك تزيد من تقدير نفسك زيادة عن اللازم

وكمان في اتحاد الطلاب ,, كنا بنلاقي عجز في المشاركين في النشاط ,, ونقص في الكوادر اللي تشتغل
هنا ابتدينا نحط إيدينا على موضع المشكلة

((((( إعداد الكوادر/ القادة )))))

إحنا مش هنعمل حاجة جديدة , مش هنضيفلك حاجة مش موجودة عندك , مع بعض هنساعدك تكتشف نفسك , هنتعلم حاجات جديدة , هنعمل مبادرات ونتبنى مشاريع , حملات , معارض , مسابقات , بس قبل ما نعمل أي حاجة لازم نكون مقتنعين بيها وطبعًا مش بتخالف مبادئنا , وعشان نعمل أي حاجة لازم تكون بتوصل قيمة للناس , لازم نحط كلمة التغيير قدام عنينا

مصدر الأفكار :

طبعًا الأسرة فيها خبرات وكوادر قديمة , وملفات بل مجلدات من الأفكار , دي كلها حاجات جاهزة مفيش مانع لما نعرضها عليكم نعمل حاجات منها , ولكن الأهم الأفكار اللي هتخرج منكم انتم .

كل واحد منكم اتربى بشكل معين , عاش في بيئة معينة , درس في مكان معين أو دراسة معين , اتعامل مع نوعية مختلفة من الناس , في فرقة دراسية مختلفة , في دفعة أو قسم مختلف , أكيد حصلت له حاجة في حياته محصلتش لحد قبل كدا

” زي ما انت ليك بصمة اصبع مختلفة , ليك
بصمة فكرية مختلفة
بصمة حياتية مختلفة
بصمة مهارية مختلفة

اعرف بصمتك , وضع بصمتك ^_^”

بماذا نتميز ؟

:: عن الأسر ::

1- معايير المؤسسية
2- التخطيط والعلم قبل القول والعمل
3-عمق الغاية مقارنة بالكثير وليس الكل .

:: عن الاتحاد ::

1- المرونة  : في اتخاذ القرار و الإداريات و التوجه والأهداف
2- اختيار الأعضاء :سواء من إدارة الأسرة , أو من الأعضاء نفسهم

أفكار إدارية

1- نقسم الأفراد (جنس / فرقة / قسم / لجنة (مشروع))

2- مبدأ توزيع المهام والمسائلة  RACI

Responsibility Assignment Matrix
RACI

decisions

alternative scheme

Recommends

Responsible

Approves

Assists

Consulted

Consulted

Informed

Informed

3- You can’t manage what you can’t measure

4- هنتبنى كيانات متخصصة مستقلة ونعاملها كمشاريع ونوفر لها الدعم والتدريب والإشراف والتنظيم : زي نادي الكاميرا , مثلًا

5- هنعلم الأفراد يصيغوا أفكارهم بحيث انها تبقى قابلة للتنفيذ ويقدرو يقنعوا بيها , ويكتبوا خطة عمل قابلة للدراسة , واللي يجهز مشروع يكون فريق عمل وينطلق في المشروع وكلنا هندعمه 🙂 .

Advertisements